«Соңынан қуып жүріп тепті»: Астанада бес жасар бүлдіршінді дүре соққан бойжеткеннің кім екені анықталды
15.08.2023 18:10
| Астанада балабақшаға барғысы келмегені үшін, туысынан таяқ жеген бес жасар бүлдіршіннің оқиғасы көпшіліктің наразылығын тудырды. |
Бүгінде балақайға қол көтерген адамның кім екені белгілі болды, деп хабарлайды Caravan.kz. тілшісі.
Белгілі болғандай, оқиға кеше таңғы уақытта орын алған. Бес жасар қыз балабақшаға барғысы келмеген, осы қылығы оның 17 жастағы туысына ұнамаған. Осылайша ол бүлдіршінді бақшаға барар жолда бірнеше рет ұрып, тіпті аяғымен теуіп жіберген.
Оқиға куәгері болған оқиғаны видеоға түсіріп, желіге жүктеген. Көпшілік бойжеткеннің бұл қылығына наразы болып, оның жауапқа тартылуын талап етті.
Қазіргі таңда полиция оқиғаның мән-жайын анықтады.
"Қазіргі таңда бойжеткен қатысты 73-2 бап, 1 тармақшасы «Ұрып-cоғу» бабы бойынша әкімшілік жауапкершілікке тартылды. Қыздың заңды өкілдері оқиғаны ушықтырудан бас тартқан. Қызбен психологпен жұмыс жасау жөнінде кеңес берілді», — дейді полиция өкілдері.