2022 жылдың қыркүйегіне дейін әкелінген және заңдастырып үлгермеген көліктің иелері не істейді - ІІМ түсіндірді
17.01.2024 17:06
| 2022 жылдың қыркүйегіне дейін әкелінген және заңдастырылмаған көліктер әдеттегідей тіркеуден өтуі керек. |
Бұл туралы Caravan.kz медиа порталы Stan.kz -ке сілтеме жасап хабарлайды.
Ішкі істер министрлігінің мәліметінше, жалпы, заңдастыру аясында Қазақстанда 304 мыңнан астам автокөлік тіркелген, оның ішінде 21 мың автокөлік және 55 мың автокөлік уақытша тіркеуге қойылған.
“Мемлекет басшысының тапсырмасына сәйкес мүдделі мемлекеттік органдармен бірлесіп 2022 жылғы 1 қыркүйекке дейін Қазақстан Республикасына әкелінген шетелдік көлік құралдарын заңдастыру жұмыстары жүргізілді. Заңдастырылмаған шетелдік автокөліктерге келетін болсақ, олар барлық қажетті алымдарды төлей отырып және техникалық және экологиялық талаптарға сәйкес келсе, әдеттегі тәртіпте тіркелуге жатады”, – делінген полицияның сәрсенбіде тараған ақпаратында.
Сонымен қоса ішкі істер министрлігі көлік иелеріне белгіленген тәртіпте тіркелмеген көліктерді басқару әкімшілік жауапкершілікке әкеп соғатынын ескертеді.
Еске салайық, осыдан тура бір жыл бұрын шетелдік көліктерді заңдастыру акциясының аясында Алматыда алғашқы көлік тіркеуден өткен еді.