Жетісу облысында тоқтатылған нысан жаңғыртылады
16.05.2024 12:46
Жетісу облысында пандемияға байланысты тоқтатылған 330 млрд теңгеге ірі жоба бойынша жұмыстар қайта жанданды. Өңірлік әкімдікте LS-ке тың мәліметтермен бөлісті.
Жобаны "Қорғас – Шығыс қақпасы"арнайы экономикалық аймағының аумағында Қазақстан – Қытай компаниясы жүзеге асыруда.
Ақпаратқа сәйкес, облыста индустриялық парк салынады, онда өндірістік алаңдар ашылып, логистикалық қызметтер жолға қойылады. Қазақстан-Қытай нысанының іске қосылуы 330 млрд теңгеге бағаланады.
Әкімдіктің ұсынған ақпаратына сәйкес, жоба 2025 жылдан бастап кезең-кезеңімен іске асырылады. Бүгінде кесте бекітілген. Мамыр айында 200 гектар алқаптағы жерлерді тегістеу бойынша жұмыстар басталады.
"Ауданы 12 га учаскені тік жоспарлау жүзеге асырылды, биіктігі 27 метр бархан кесілді. Қытайдан қосымша техника келеді деп күтілуде. Жоба бойынша негізгі құрылыс жұмыстары 2024 жылдың мамыр айында басталады", — деді әкімдікте.
Бұған дейін, инвестициялардың жалпы көлемі 1 трлн теңгеден асады, бұл сома облыстың үш жылдық бюджетіне тең.
Ақпаратқа сәйкес, логистикалық технопарк жаңа өндірістерді, дамыған инфрақұрылымды, ауыл шаруашылығы өнімдерін қайта өңдеу кәсіпорындарын, сауда-ойын-сауық объектілерін, фудкорттарды және т.б. қамтиды. "Қазақстан-өнеркәсіптік индустриялық қала" Қазақстан-Қытай индустриялық-инновациялық ынтымақтастық жобаларының тізбесіне енгізілген.
Естеріңізге сала кетейік, 2017 жылдың ақпан айында Жетісу (бұрынғы – Алматы) облысының аумағында Hubei Kelison индустриялық паркін салуға және басқаруға инвестициялау туралы "Қорғас" арнайв экономикалық аймақ (АЭА), Hubei United Investment Group және Yichang Kelison Industry Co Ltd арасында үшжақты келісімге қол қойылды. 2017 жылдың наурыз айында "Қытай-Қазақстан халықаралық өнеркәсіптік қаласы" компаниясы "Қорғас" АЭА қатысушысы болды. Инвесторлар сомасы 4,8 млрд теңгені құрайтын "Тауарлық бетон өндіру зауытының құрылысы" жобасын қорғады. Құрылыс-монтаж жұмыстары 2018 жылдың шілдесінде басталды.
