Бұдан былай шенген визасына өтінішті онлайн тапсыруға болады
22.11.2023 17:04
| Шенген визасын алу процесі жеңілдеді. |
Шенген визасын алуға өтінішті онлайн тапсыруға болады, деп хабарлайды Caravan.kz медиа-порталы Қазақстан телеарнасына сілтеме жасап.
Еуропалық кеңес жаңадан екі қаулы қабылдады. Соған сәйкес, ЕуроОдақта арнайы платформа құрылады. Азаматтар осы платформа арқылы Шенген визасына қажетті құжаттардың электронды көшірмесін жүктеп, визалық төлем жасай алады.
Дегенмен, Шенген визасына бірінші рет өтініш беретіндер мен био-метрикалық мәліметтері ескірген азаматтарға консулдықтар мен елшіліктерге баруға тура келеді. Қаулыға сәйкес, қазіргі визалық жапсырманың орнына енді сызықшалы код басылады. Жаңа ереже сандық визаны жасау платформасы дайын болғанда күшіне енеді.