Алдағы демалыс күндері 25-30 градус аяз қайта оралады
05.01.2024 17:12
| Қазгидромет синоптиктері 6-8 қаңтарға арналған үш күндік ауа райы болжамын жариялады. |
Алдағы күндері белсенді Атлантика циклоны және одан туындайтын атмосфералық фронттардың әсерінен Қазақстанның басым бөлігінде қар, оңтүстік өңірлерде қар аралас жаңбыр жауады, деп хабарлайды Caravan.kz медиа порталы.
6 қаңтарда солтүстік-батыста қалың қар жауады, оңтүстікте де мол жауын-шашын болады.
7-8 қаңтарда солтүстік-батыста, солтүстікте және орталықта қатты қар жауады.
Жауын-шашынмен қатар республиканың солтүстік жартысында көктайғақ пен боран соғады.
Республика бойынша тұман түсіп, жел күшейеді.
Елдің батысына, солтүстік-батысына, солтүстігіне және шығысына Солтүстік-батыс антициклонының ықпалымен суық ауа массалары келеді.
Осының салдарынан ауа температурасы күрт төмендейді.
Батыста және солтүстік-батыста түнгі уақытта күн райы 8-25 аязға дейін, солтүстікте 5-30 аязға дейін, ал республиканың шығысында 5-18 аязға дейін суытады.
Оңтүстік өңірлерде түнгі температураның негізгі фоны минус 5 және плюс 7 градус шегінде болады.